Davao City – Subay sa pagselebrar sa Breast Cancer Awareness Month karong bulana, gihisgutan sa mga surgeons gikan sa Davao Doctors Hospital ang bahin sa maong cancer sa tulumanong Serbisyong Straight to the Point dinhi sa DXDC 621 RMN Davao uban si RadyoMaN Misel Miral-Galve.
Gibatbat ni Dr. Mike Villanueva, Surgery Resident sa Davao Doctors Hospital (DDH) nga ang breast cancer matud pa usa ka abnormal nga pagtubo sa bukol sa suso sa mga babae lakip usab sa mga lalake.
Dugang pa nga makaapekto kini ug pwedeng mukalat sa nagkadaiyang parte sa kalawasan og muabot ang bukol sa 1 cm.
Busa tambag ni Dr. Brendon Cajilia, Chief resident sa Department of Surgery sa DDH pwede usab mag self breast examination ug hikapon ang suso og aduna ba kini mga bukol dayon magpacheck up alang sa proper treatment ilabi na sa mga babaeng nag edad 25 anyos pataas.
Dugang gibutyag sa surgeons nga ang breast cancer matud pa mao ang nag unang hinungdan sa taas nga mortality rate gawas sa tanang sakit nga cancer sa Pilipinas apan ilang gipasabot nga genetic mutation kini kun makuha gikan sa linya sa dugo sa pamilya ug dili sa pagkaon.
Angay usab bantayan ang mga signs and symptoms niini sama sa paglubog sa panit sa suso, nipple inversion, dunay tubig, nana o dugo nga mugawas sa nipple ug mga bukol nga mutubo sa suso.
Subay niini, magpahigayon ang Philippine Society of General Surgeons (PSGS) og usa ka Pink Run, usa ka fun run nga dunay temang “Defeating Breast Cancer” diin ilusad kini karong adlawng Domingo, Oktubre 21, 2018.
Mamahimong mag-register sa mga ospitals dinhi sa syudad sama sa SPMC, SPH, brokenshire ug DDH ug muadto lang sa mga lobby or surgery department alang sa rehistrasyon diin aduna kini 400, 450 ug 500 pesos nga registration fee depende sa pilion nga kalay-on sa daganon.
RadyoMaN Renz Barbarona
