Cavite – Dead on arrival na sa ospital ang isang lalaki matapos itong barilin ng hindi pa nakikilalang suspek sa Barangay Capipisa, Tanza, Cavite.
Sa imbestigasyon, sakay ng kanyang electric bike ang biktimang si Hesusito Mansanilla nang bigla itong harangin ng isang lalaki.
Agad na binaril ng suspek ang biktima sa ulo saka mabilis na tumakas kung saan isinugod pa sa San Lorenzo Hospital si Mansanilla pero idineklarang dead on arrival.
Narekober mula sa pinangyarihan ng insidente ang isang basyo ng bala ng kalibre 45 baril.
Patuloy na inaalam ng mga otoridad ang pagkakakilanlan ng suspek maging ang motibo nito sa krimen lalo na at mabait at hindi nai-involve sa iligal na droga ang biktima.
Facebook Comments
