General Santos City—Ospital ang gidangatan sa usa ka lalaki nga igo lang nag-uwang sa away nga natigayon sa lamay sa may Barangay Poblacion, Polomolok, South Cotabato niadtong nakalabayng adlaw.
Giila ang biktima nga si Ryel Cris del Rosario, 31, residenti sa maong lugar. Sa inisyal nga imbistigasyon sa kapulisan nasuta nga naglamay ang biktima sa namatay nga paryenti niini apan adunay nag-away nga duha ka grupo mao nga iyang giuwang.
Apan inay mupatuo kaniya, siya na nuon ang nadunggaban sa usa ka suspetsado nga giila lang ug Jun-jun Arzaga.
Gilayong gidala sa ospital ang biktima, samtang paspas usab nga nakasibat ang suspek sa wala masayring lugar.
Sa karon nagpadayon pa ang gihimong imbistigasyon sa kapulisan kalabutan sa maong insidenti.
Facebook Comments
