Ivisan, Capiz- Wala na sang kabuhi sang nasapwan alas otso ang takna sang aga ang caretaker sang rest house ni SB Felipe Neri Yap nga nahamtang sa Brgy. Basiao, Ivisan, Capiz.
Ginkilala ang biktima kay Wilfredo Castro Alyas “Opos”, 74-anyos ang pang-edaron kag residente sang nasambitan nga lugar.
Base sa imbestigasyon sang mga kapulisan, ulihi nga nakit-an ang biktima alas otso sang aga sang nakaligad nga Agosto 15, 2018 nga nagapungko pa sa guha sang rest house kag na-obserbahan nga indi maayo ang pamatyagan.
Ginapatihan nga ini ang napatay bangud sa ginabatyag nga balatian.
Sa dugang nga pagpangusisa sang kapulisan, wala naman sang may nakit-an nga struggle ukon kapilasan sa lawas sang biktima nga nagapamatuod ini ang hungod nga ginpatay.
