Nanawagan ang Pangagamhanang Probinyal sa Bukidnon ngadto sa tanang nanag-iya sa titulo sa yuta nga kinahanglang ipa-digital o ipa-scan ang ilang mga titulo sa dili pa molapas ang Setyembre 30, 2018 sa Registry of Deeds (RDs).
Kini subay sa Memorandum gikan kang Land Registration Authority (LRA) Administrator Renato D. Bermejo alang sa tanang Registrars of Deeds, Officers-in-charge ug Records Officers sa Registries of Deeds alang sa Data Conversion Close-out, pinitsahan Hulyo 12, 2018.
Unod sa maong memorandum nga humanon sa Registries of Deeds ang Data Conversion sa tanang manually-issued Certificate of Title kutob Setyembre 30, 2018. Ang digitization/scanning activities alang sa mga titulo, lakip ang Conversion-on-Demand process, ihunong na sa tanang opisina sa LRAs pagkahuman sa maong petsa.
Tungod niini, kusganong gipanawagan ni Provincial Administrator Atty. Nestor E. Cajes, Jr. ang tanan nga naghupot sa titulo sa yuta, ilabi na kadtong wala pa maka-request ug Certified True Copy (CTC) sa opisina sa Registry of Deeds dinhi sa Provincial Capitol Compound, syudad sa Malaybalay, sa pag-asikaso na niini aron nga dili maulahi sa gitakda nga adlaw sa umalabot Setyembre 30, 2018.
Tumong niini nga kalihukan sa LRA ug sa RDs nga mabutang sa database ug ma-centralized ang inventory sa tanang kopya sa titulo sa yuta.
Sa mga nanag-iya sa titulo sa yuta nga wala pa maka-request ug CTC, mamahimong mobisita sa Registry of Deeds diin nakarehistro ang inyong titulo o sa bisan asa nga RDs nga anaa sa duol, pinaagi sa LRAs Anywhere-to-Anywhere Services. Mamahimo usab nga subayon sa website www.lra.gov.ph <l.facebook.com/l.php?u=http%3A%2F%2Fwww.lra.gov.ph%2F&h=AT2t7y4edHY-nw_u19h6aPnWbVfqU31GFR2B7khOu1TWx0qZUxdLP7hzBF_628xo9I_1gRdytsRsMykFcZDjInYX2C22Sk8hpNfl5iIsFZyVADWwJy3rP6hjF7GrnLr0484zaLKalNo>alang sa location sa RD nga duol sa inyong nahimutangan.
