Davao City – Wala giuyonan sa regional director sa Philippine Drug Enforcement Agency kun PDEA XI ang pahayag sa ubang naga-advocates nga matud pa makapugong sa heinous crimes ang pagpatuman sa death penalty sa Pilipinas.
Kini ang personal nga baruganan ni PDEA XI regional director Antonio Rivera atol sa interview kaniya sa Straight to the Point Morning Edition sa DXDC 621 RMN Davao.
“Kadtong nag advocate that will deter the commission of heinous crimes, I’m sorry I totally disagree with it… Death penalty is not to deter but a punishment. We can prove it kay kadtong naay death penalty, na-deter ba ang mga rapist, heinous crimes? Wala man,” segun ni Rivera.
Samtang, tan-aw niini nga angay kung mas patas-an pa ang 50 grams sa illegal drugs nga makuha gikan sa drug personalities nga ginaingong malakip didto sa death penalty nga balaod.
“Siguro butang nato nga mga kilo or taas-taas gamay sa 50 grams kay kanang 50 grams, gamay lang. Siguro patas-an pa nato nga kadtong mu-covered sa death penalty… Kung sundon ang national street value 6, 000 (50 grams sa drugs) gamay ra na pero depende man na sa lugar,” dugang ni Rivera.
RadyoMaN Renz Barbarona
