Tboli, South Cotabato – Gidala sa ospital sa probinsya sa South Cotabato ang 30 anyos nga ulitawo human nabiktima sa pagpanigbas sa suspek nga iyahang kauban sa tagay sa Purok 4, Barangay Malugong, Tboli, South Cotabato.
Base sa imbestigasyon sa Tboli Municipal Police Station, giila ang biktima nga si J-ar Dani Cumang, 30 anyos, ulitawo og nagpuyo sa maong lugar samtang ang suspek sa krimen nailhan sa pangalang Jubert Manatod Kusain, hamtong ang edad og nagpuyo sab sa nahisgutang lugar.
Dugang imbestigasyon sa Tboli PNP, ang biktima og suspek parehong nagtagay kung asa nisangko kini ngadto sa mainitong diskusyon.
Gitigbas sa suspek ang biktima igo sa iyahang tuong bukton og ulo.
Unang gidala sa Pagalungan Community Hospital sa Polomolok South Cotabato apan gibalhin sa South Cotabato Provincial Hospital alang sa medikasyon.
Mipahigayon na og hot pursuit operation ang kapolisan sa Tboli alang sa posibleng pagkaaresto sa suspek.
For more info’s and updates, like and share our official facebook account: www.facebook.com/ifm91.9Gensanofficial/
#TatakRMN #IFMAngIdolKongFM #RMNnetworks #ReachingMillionsNationwide #RMNFoundation
[image: gitigbas.jpg]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
