‘Death penalty’ dili solusyon sa pagpangabuso

Davao City – Public awareness inay death penalty ang labing gikinahanglan aron nga magbaton og respeto ang katawhan sa mga kababaihan ug mga kabataan.

Sa interbyu sa DXDC RMN Davao kang Jeanette Ampog, Executive Director sa Talikala Incorporated, iyang gisaysay nga aduna nay mga balaod nga naghatagag og proteksyon batok sa pagpangabuso apan aduna gihapoy matala nga mga insidente.

Kini ang rason kung nganong kinahanglang magbaton og balaod nga maghatag og sakto ug igong edukasyon sa publiko unsaon pagtratar sa ilang isig katawo.

“Naa may life sentence, life imprisonment. Sauna naa man poy death panalty pero nahitabo man gihapon tong kang Echegaray. Akong ginabalik-balik gyud nga importante, dunay pagbag-o sa panglantaw nga ang matag-usa kanato, walay katungod nga magpasakit og usa ka tao,” sulti Ampog.

Nasayrang buot banhawon ni Davao City First District Representative Paolo “Pulong” Duterte ug kaubang Kongresista ang death penalty batok rape-slay ug gun violence nga mga insidente.

RadyoMaN Kirby Manzon