Davao City – Boluntaryong mi-surrender sa awtoridad ang igsoon nga suspek sa pagdunggab sa iyang manghud nahitabo sa Purok 6, I-Care, Barangay Ising, Carmen, Davao Del Norte alas 12:30 sa kaadlawon niadtong Hulyo 9, 2023.
Sa report sa Carmen Municipal Police Station, giila ang biktima nga si Darwin Asil, 19 anyos. Samtang ang suspek mao ang magulang niini nga si Armando Asil, 33 anyos, puros residente sa nahisgutang lugar.
Subay sa imbestigasyon, hubog matud pang miuli ang biktima ug sa dihang nakit-an niini ang iyang magulang nakabuhi kini’g pulong nga nakainsulto sa iyang igsoon hinungdan sa ilahang panaglalis.
Dinhi na mikuha ang iyahang magulang og kutsilyo sa ilang kusina ug gidunggab sa makadaghang higayon ang iyahang manghod nga lango sa ilimnon, ug nakahiagom og mga samad sa iyang kalawasan.
Sa dihang nakit-an sa ilang amahan ang panghitabo, gilayon nga gidala sa Carmen District Hospital ang biktima aron matambalan.
RadyoMaN Kirby Manzon
#TatakRMN
Facebook Comments
