Davao City – Usa ka positibo nga lakang karon sa gobyerno sa Pilipinas ang pag-atiman sa kaso sa usa ka Overseas Filipino Worker (OFW) nga gipatay ug gisulod sa freezer didto sa Kuwait diin nag atubang og silot-kamatayon karon ang mga suspek nga mipatay sa OFW.
Giila ang mga amo ni Joanna Demafelis nga sila Nader Essam Assaf ug Mona Hassoun.
Sa pakighinabi sa DXDC RMN Davao kang Inorisa Elento sa Mindanao Migrants Center, sumala niya nga kini na ang tubag sa gipangayong hustisya sa pagkamatay ni Demafelis.
Dugang niya, aduna ray bunga ang paningkamot sa gobyerno Pilipinas ug hinaut niya nga maatiman pa ang ubang kaso nga ginaatubang karon sa ubang OFWs.
Kahinumduman nga napamatud-an matud pa sa korte sa Kuwait nga guilty ang mag-asawa sa pagpatay kang demafelis nga taga Barangay Ferraris, Sara, Iloilo.
RadyoMaN Renz Barbarona
