Roxas City, Capiz – Nadugangan naman sang duha(2) ka fatalities kahapon nga adlaw ang death toll sa Roxas City bangud sa COVID-19.
Ini ang ginalakipan sang 52 – anyos nga babayi nga residente sang Graceville Subdivision Barangay Tiza, Roxas City kag sang 30 – anyos nga babayi nga pomuluyo sang Paragon Village Barangay Dinginan, Roxas City.
Bangud sini, nagdangat na sa kabug-osan nga 118 ang ginbawian sang kabuhi sa syudad matapos nga nagpositibo sa amo nga virus.
Base sa rekord sang City Health Office(CHO), 2, 694 na ang Confirmed Cases kun sa diin sa amu nga numero, 197 ka Active Cases samtang 2, 379 ang mga nag-ayo ukon nakarekober sa COVID-19.
Facebook Comments
