Gikumpirma ni SFO4 Ramil Gillado, Davao City Fire District Intelligence and Investigation Section chief, nga ikapito sa casualty ang babaeng na-trap sa sulod sa ilahang panimalay sa sunog sa 201 Tinikling St., Lanzona Subd., Barangay Matina Aplaya, Davao City kagahapong adlawa, Nobyembre 23,2023 pasado alas 2 sa hapon.
Segun ni Gillado, gilantaw nga namatay sa suffocation ug heat inhalation ang babaeng biktima.
Padayon pang ginasuta sa BFP 11 ang hinungdan sa sunog lakip na ang kinatibuk-ang damyos diin duha ka residential ug duha usab ka establisyemento ang gilamoy sa kalayo.
Sumala niini, ang pito ka mga death cases tungod nanga-trap ang mga biktima atol sa sunog.
Giintensify sa BFP 11 ang Oplan Ligtas Pamayanan ug pagpahibalo sa fire safety aron mapugngan ang pagsaka pa sa casualty.
RadyoMaN Aimee Guinita
