Gipirmahan na sa lokal nga kagamhanan ang deed of donation sa yuta nga kapin usa ka ektarya nga gidonar sa Escanio Family nga naa sa Sitio Palalan, Barangay Lumbia.
Matud ni Sir Mike Fabello, ang overseer sa CSWD nga tumong niini nga makasulod ang gobyerno alang sa posibleng kalambuan sa maong lugar, kinsa karon gihimong pasilidad alang sa House of Hope foundation.
Nasayran nga kaniadto limitado ang mga donasyon nga ilang makuha gikan sa mga pribadong institusyon kay ang archdiocese maoy nagdumala niini.
Apan ning bag-o, gidonar ang yuta niini sa lokal nga kaagamhanan hinungdan nga laumang daghang mga kabag-ohan ang matagamtaman sa mga kliyente.
Sa kasamtangan, dunay 54 ka pasyente ang House of Hope apan makahimo kini pag accommodate sa 60 ka pasyente.
