Davao City- Dili kalikayan nga daghan kanato bati-on gayud ug kabalaka, kahingawa or bin ba kaha tumang kahadlok nga basin unya ug masubli pag-usab ang atong mapait nga kasinatian ilawom sa diktaduryang Marcos ubos karon sa Duterte regime ning panahona.
Dayag na lang nga dili nato buot nga mahitabo na usab ang mga ‘desaparecidos’ kun mga tawong kalit nangahanaw unya nakit-an na lamang nga wa nay kinabuhi gumikan lamang kay supak sila sa administrasyon niadtong panahona.
Dayag na lang nga dili nato buot nga masubli ang paghari-hari sa kasundaluhan o militar ug nga dili na nato ikambyo pa kining atong sistema karon diin ato nang ginasunod ang prinsipyo o doktrina nga ‘civilian supremacy over the military.’
Kargo sa matag usa nga sa dihang masiplatan ang presensya sa gitawag nga ‘dictatorial tendencies’ sa usaka lider nga ang ‘silent majority’ – dili lamang ang political opposition – mobarug, motingog ug mosita sa mga namunuan haron matarong ug matul-id nato ang atong dalan.
Apan dili ‘ta angay mahadlok sa usaka lider nga pogoso ug maisogon, kadtong adunay bayag kun political will nga mosulay pagdistrungka sa mga dagkung hagit ug suliran sa nasud gamit ang puthaw nga kamot – basta lamang kay ang pag-utilisar sa maong kagahum or iron will pinasubay sa gihapon sa balaud, uban ang giya ug pagmando sa batakang balaud sa ngalan sa viable check-and-balance ug dili one-man or strongman rule lamang.
We owe it to our leaders to watch over them: Our task does not end, my friend when we have elected them. Let us continue holding them accountable and responsible for their deeds, misdeeds, commissions or omissions.
Ug samtang hinumdomon sa nasud kini nga anib kun episode sa atong nasudnong kasaysayan nga nagsi-ak nato sa duruha ka nagkabangi nga hut-ong kaniadto ug hangtud karon, itanum nato kanunay sa atong hunahuna ug mga dughan nga ang bottomline ning hisgotanan mao ang atong hiniusang progreso ug kagawasan.
Whichever side we stand today – whether on the side of government or the ‘dilawan’ and their allies and compatriots, let us altogether respect our individual differences in political persuasion, ideology or affiliation.
For after all, this is what freedom essentially means: To live peacefully in the midst of diversified and differing viewpoints, in the midst of conflicting worldviews and understanding of current events and happenings in our society today. God bless the Filipino nation in this time of great testing and trial of our national unity and nationhood!
RadyoMan June Duterte
