Davao City – Wala nagkulang sa pagpasidaan ug pagtudlo kalabutan sa prinsipyong ‘Defensive Driving’ ngadto sa tanang mga drivers sa sakyanang pampasaheroan ug pribado ang City Transport and Traffic Management Office (CTTMO).
Sumala ni CTTMO Operations Chief Bonifacio Capricho Jr., kanunay nilang gipasabot ang defensive driving pinaagi sa mga gipahigayong seminars aron malikay sa disgrasya sa kadalanan.
Hinoon giklaro ni Capricho nga dili gayud malikayan ang disgrasya ilabi na sa mga drivers nga nagdali-dali, tanga ug gahi’g ulo nga moresulta sa bangga sa sakyanan.
Gitataw sa hepe sa operasyon sa CTTMO nga gikinahanglang tumanon sa mga naggunit sa manibela ang ‘Stop, Look and Listen’ ilabi na sa mga intersection sa kadalanan.
RadyoMaN Bernard Pantallon
