CAPIZ – Yara sa defensive mode ang mga katapo sang 3rd Infantry Division, Philippine Army kasunod sang deklarasyon ni Presidente Rodrigo Duterte sang 10 ka adlaw nga unilateral ceasefire kag Suspension of Offensive Military operations nga magasugod Disyembre 24, 2017 tubtub Enero 2, 2018.
Ginpahayag ni Capt. Eduardo Precioso, Spokesperson sang 3rd Infantry Division nga magatuman sila sa nangin direktiba sang presidente kag commander in chief sang AFP.
Suno pa diri nga magapadyon sa gihapon ang iban nga programa sang militar para sa mga pomuluyo. Ginpangabay man sini ang grupo sang NPA nga indi dapat paghingalitan sang mga rebelde ang suspensyon sang opensiba sang militar agud hilway nga makatuga sang kalakasan.
Gindugang man ni Precioso nga padayon ang pagbantay sang mga militar, ilabi na nga magasaulog sang anibersaryo ang NPA. Nagpalab-ot man ini sang mensahe sa mga pomuluyo nga isaulog sang matawhay kag malinong ang paskwa kag bag-ong tuig.
*(photo from web)*
