Davao City – Giangkon sa usa ka benepisyaryo sa Pantawid Pamilya Pilipino Program (4Ps) nga sagad nilang kasinatian kalabutan sa cash pay out mao ang pagkalangan sa mga releases niini.
Sumala sa usaka alyas Francing nga taga-Bucana, syudad sa Davao, niadto pa siyang 2012 nahimong 4Ps beneficiary gani common experience nila mao ang pagkalangay sa pay outs.
Matud ni Francing, sa tulo ka bulan nga kobrahonon usa lang ka bulan ang sagad mahatag ngadto kanila.
Giklaro usab ni Francing nga kaniadto pa ni sa pagsugod hangtod karon , dili gayud makumpletar ang pag-apud apud sa maong ayuda kun anti-poverty alleviation grant kun benefits gumikan sa mga dili matinong rason kun hinungdan.
Lain pang yangungo ug mulo sa mga nangunsumi nga beneficiaries mao ang padayong presensya sa mga old credit cards nga mosangko sa kapakyas nga kini pondohan, ang uban nakadawat na samtang ang uban padayon pang naghangad sa langit sa paghinulat ingon man ang kobransa nga P500 matag higayon nga ang beneficiary mapakyas pagtambong sa ilang meeting.
Tungod niini,nanawagan karon ang mga agrabyadong beneficiaries ngadto sa gobyernong nasyunal nga unta hatagan kini ug hinanaling aksyon tungod kay importante kini alang sa mga pobreng pamilya kinsa nagdepende ning maong klase sa government ‘pantawid’ scheme.
RadyoMan Bernard Pantallon
