Delayed construction sa Tuganay Bridge gipaabot na sa DPWH Secretary

Davao City – Nanghinaut ang Dabawenyo nga si Muhammad Jover nga mahatagan na gayud og solusyon ang problema sa Tuganay Bridge sa Carmen, Davao del Norte nga dugay na nga mihatud og perwisyo sa mga motorista.

Gisulti ni Davao del Norte Governor Edwin Jubahib (sa interbyu sa DavNor Media) nga iyaha nang gipaabot kang Department of Public Works and Highways (DPWH) Secretary Manuel Bonoan ang maong problema.

“Niana gyud ko sa iyaha, “Mr. (DPWH) Secretary (Manuel Bonoan), Sir, kung pwede sana po ma-priority itong budget ng Tuganay bridge kasi talagang nagbigay (ito) ng matinding problema sa mga trabahante at sa mga negosyante,” sulti ni Jubahib.

Matud sa gobernador, sunod sunod ang iyang pakigpulong sa mga opisyales sa DPWH-XI ug 1st Engineering Office aron mapadali ang maong nadelatar nga proyekto.

Gidugang niini nga napasagdan ug wala nahatagan og prayoridad ang proyekto diin kini ilawom ni 2nd District Congressman Alan Dujali sanglit ubos man ang maong proyekto sa development projects sa kongresista.

RadyoMaN Kirby Manzon