Davao City – Patay ang driver sa motorsiklo human mibangga sa Toyota pick-up nga gipanag-iyahan sa kompanyang Poroco Lands Inc., nga gimaniho ni Nolie Barrera sa Arroyo St. Corner R. Castillo St., yudad sa Davao.
Sa report sa Sta. Ana Police Station, giila ang namatay nga si Kit Ipong Cuizon, hingkod ang edad ug residente sa Brgy. Cabantian ning dakbayan.
Sa imbestigasyon ni Police Staff Sargeant Allan Echavez Sta. Ana Police Investigator, ang pick-up padulong sa R. Castillo Street samtang ang motorsiklo gikan Sasa padulong sa Jerome, miliko pawala ang pick-up ug gibanggaan sa motorsiklo. Tungod sa kakusog sa impact nalagpot si Cuizon nga miresulta sa iyang kamatayon.
Reckless imprudence resulting to homicide and damages property, ang kasong atubangon ni Barrera.
RadyoMaN Don Pulayao
