Siguraduhon sang City Agriculture Office nga wala na sang underweight nga delivery sang mga manok sa masunod nga batch sang mga recipients.
Suno kay City Agriculturist Romulo Pangantihon siguraduhon nila nga nagasunod sa kontrata nga 300 grams ang bug-at sang manok sa adlaw sang delivery kag ang tanan nga underweight kabigon nga reject.
Pasalig ni Pangantihon id-iron nila sang kilo ang tagsa ka manok agud masigurado ang husto nga kabug-aton santo sa kontrata.
Gin-ako ni Pangantihon nga nangin lenient sila sa delivery gani wala nila nahatagan sang pagtamod ang bug-at sang manok nga ginadeliver sang supplier nga Foodwealth Enterprises.
Ginkumpermar man ni Pangantihon nga naghingyo ang supplier nga ipa-isol anay ang masunod nga delivery tubtob nga malambot sang mga brood stocks ang bug-at nga 300 grams.
Santo sa kontrata nagabalor ang manok sang P198.50 kada 300 grams.
Dapat nga kumpleto man sa immunization ang manok antes ang delivery sa mga receipients.
17,000 ka manok ang kabahin sang programa kag kapin pa sa 16,000 ang dapat madeliver sang supplier sa sulod sang 100 days.
(photo from web)
