Positibo ang epekto sang Tokhang Reboot drop box sa kabarangayan sa kampanya kontra illegal nga droga.
Suno kay Police Supt. Gilbert Gorero, spokesman sang Police Regional Office -6, nagbunga ang drop box sang 204 ka surrenderees.
Ini bisan wala pa sang isa ka bulan nga gin-umpisahan ang kampanya.
Mas mataas ini sa 39 lamang kada bulan nga average surrenderees antes ginpatuman ang Tokhang Reboot.
Ang Tokhang Reboot pamaagi sang kapulisan agud mahibaluan kun ano ka lala ang drug affectation sa Region 6.
Sa Tokhang Reboot, mahimo mahulog ang lista sang ngalan sang ginasuspetsahan nga may kaangtanan sa illegal nga droga kag ipa-idalum naman sang kapulisan sa validation ang mga ngalan.
Sa syudad, may version man sang drop box nga sugod nga ginpahamtang sang nagligad nga semana agud may mabutangan man sang ginasuspetsahan nga may kaangtanan sa illegal nga droga nga empleyado sang City Hall.
(photo from web)
