Davao City – Patay ang usa ka 20 anyos nga babae human naligsan ang iyang gidrayban nga motorsiklo nahitabo alas 9:00 sa kabuntagon sa may dalang R-Castillo Agdao Siyudad sa Davao.
Subay sa Report gikan sa Sta Ana Pnp naila ang biktima nga usa ka Tiffany Ryna Rodaje residente sa may San Pedro Ext. ning dakbayan samtang ang nakabanga usa ka delivery van nga gimaneho ni James Alicaya, hingkod ang edad nga taga Orchids St. Bangkal Davao City.
Pasiunang imbestigasyon nga gilusad ni Police Office 2 Ricky Aperong, Traffic Investigator sa Sta Ana Pnp nga padulong ang duruha sa dalang Jerome St. Brgy Lapulapu apan pag abot sa may gas station sa nasangpit nga lugar napungitan ang motorsiklo ni Rodaje hinungdan sa pagkatumba sa biktima sa tuong bahin sa karsada ug naligsan ang ulo niini resulta sa hinanaling kamatayon.
Sa karon gidala na ang patayng lawas sa biktima sa Southern Philippines medical Center samtang ginahikay na sa Sta Ana PNP ang kasong Reckless imprudence resulting to homicide batok sa driver.
RadyoMaN Don Pulayao
