Usa ka Special Investigation Task Group ang giumol sa Police Regional Office-7 aron totokan ang imbistigasyon sa pagpusil-patay sa Mayor sa lungsod sa Buenavista Bohol nga si Ronald Lowell Tirol .
Ang SITG langkuban sa mga sakop sa kapolisan sa lalawigan sa Bohol , PNP Regional Crime Laboratory ug sa Criminal Investigation and Detection Group-7 nga panguluhan ni Deputy Regional Director for Operations sa PRO-7 nga si Sr. Supt. Dennis Agustin .
Priyoridad nila karon ang pagpangita sa mga suspek sa pagpatay ni Tirol human usab napasaka ang kaso batok sa gunman nga si Elmer Abanda Melencion alyas Eti Melencion sa korte sa Tagbilaran City sa Bohol.
Si Melencion giisip nga Most Wanted Person sa Bohol human siya gitudlo nga mao usab ang nisuway pagpatay ni Tirol niadtong 2014 sud sa buwangan sa lungsod sa Clarin .
