Davao City – Padayong gipasidan-an ang publiko nga tumanon ang Minimum Public Health Standard (MPHS) kontra sa mas contagious o makatakod nga Delta Plus variant.
Matud ni Dra. Marie Yvette Barez, Infection Control and Prevention Unit chair sa Southern Philippines Medical Center, wala pay report kung nakasulod na ba ang maong variant sa dakbayan sa Davao.
Nagsumite na og mga samples ang Southern Philippines Medical Center sa Philippine Genome Center ug gihulat pa ang resulta niini.
“Wala mi kabalo kung naa na sa Davao kay ginahulat pa namo ang Philippine Genome kay ang priority karon nga i-test for that variant ang mga OFW,” sumala niini.
Gilaumang maablihan na ang Philippine Genome Center Mindanao aron dinhi na iproseso ang mga specimen sa mga suspected COVID-19 variants, matud ni Barez.
RadyoMaN Aimee Guinita
