Davao City – Dakong porsiento sa kaso sa Coronavirus Disease 2019 (COVID-19) cases sa Davao Region ang asymptomatic o walay simtomas sa virus.
Sa datus sa Department of Health (DOH-XI) sa June 24, 2021, anaa sa 92.7% o 8,444 cases ang asymptomatic, 5.8% o 529 mild, 1.4% o 128 cases ang severe ug 0.1% o 12 cases ang critical.
Sa June 24, anaa na sa 39,441 ang total COVID-19 cases sa rehiyon diin 9,113 usab niini ang active cases, 28,987 ang nakarekober ug 1,341 ang namatay.
Sa total case breakdown by province sa maong adlaw, nanguna gihapon ang Davao City sa pinakadaghang natalang kumpirmadong kaso (22,833), gisundan sa Davao del Norte (7,535), Davao del Sur (3,018), Davao de Oro (2,963), Davao Oriental (2,536), ug Davao Occidental (556).
RadyoMaN Kirby Manzon
