Nilutaw karon ang gisuspetsahang recruiter ni Joanna Daniela Demafelis giilang si Agnes Tuballes aron ipatin-aw nga dili siya angay basolon sa kamatayon sa Ilongga OFW kinsa napalgan-patay nga gitipigan sulod sa usaka freezer didto sa Kuwait.
Sa press briefing sa Philippine National Police (PNP) headquarters sa Camp Crame, hugot nga gipamalibad ni Tuballes nga usa siya ka illegal recruiter gani igo lamang siyang ni-asistir aron si Demafelis makalupad ug makapanarbaho abroad.
“Hindi ko pinangarap nga mamatay siya (Joanna) doon,” pagpatin-aw pa ni Tuballes.
Mga kadagkuan sa nasudnong kapulisan nagbutyag nga hangtud ning mga tungora, dili pa makonsidera nila nga suspect si Tuballes.
Matud sa maong recruiter, determinado siya nga mopakita personal sa pamilya ni Joanna aron ipatin-aw ang iyang kabahin sa kontrobersyal nga kamatayon nga nahimong pabilo aron imando mismo ni Pres. Rodrigo Duterte ang usaka total deployment ban sa Kuwait.
Si Joanna nadiskubrehang patay sulod sa freezer didto sa Kuwait usaka tuig human nga siya gikatahong kalit nawala.
Ning labing ulahi, nadakpan usab sa Interpol ang Lebanese employer ni Demafelis ug ang kapikas niini nga Syrian national kinsa malagmit kasuhan ug taralon ‘in absentia’ hangtud nga siya ihatud ngadto sa kustodiya sa mga Kuwaiti authorities.
RadyoMaN June Duterte
