General Santos City–Plastado matud pa kang Lake Sebu Municipal Health Officer Dr. Jocelyn Bayquin ang gipatuman nila nga minimum health standard sa mga tourist destination sa lungsod human sa pagdagsa sa mga Turista matag weekend.
Apan sumala ni Dra. Bayquin usa sa ilang problema mao ang demanding nga mga indibidwal nga bisan ug puno na ang mga resort ug uban pa nga tourist attraction sa lungsod ug ang dili matuman nga physical distancing sa mga nagapamugos nga mosulod.
Kalabutan niini, hangyo niya sa mga turista, o sa mga nagabisita sa lungsod nga sundon lang ang ginapatuman nga health protocols sa sa pagsul ob ug facemask/faceshield, handwashing ug uban pa alang sa kaayuhan o proteksyon sa tanan hilabina sa katawhan sa Lake Sebu.
Dugang pa niya nga kung ibutang sa holding area ang mga may-sintomas, dili angayang masuko. Miapila usab si Dra. Bayquin sa mga LGU nga disiplinahon ang ilang katawhan ug pahimangnuan nga dili mag sige ug latagaw tungod anaa gihapon ang bahad sa Covid-19.
