Davao City – Giawhag sa lokal nga panggamhanan sa Davao ang mga namuyo sa mga dikes nga boluntaryong i-demolish ang ilang mga balay alang sa ilang kaluwasan (safety) ning panahon sa ting-ulan baha sa dakbayan.
Sa interbyu sa DXDC RMN Davao kang Angel Sumagaysay, hepe sa Public Safety and Security Command Center (PSSCC) nakig-alayon na kini sa tanang mga barangay officials aron pahibaw-on ang tanang residente.
“Dili ni siya dako nga lalis kay dikes are for tubig, para sa suba dili for dwelling. Gipasabot nako ang mga barangay captains ug purok leaders nga istoryahan ang mga tao kay sooner or later kay kung dili gyod sila madala’g istorya amo gyod ng ipang-demolish,” sumala ni Sumagaysay.
Anaa sa 26 ka mga informal settlers sa Purok 34, Taal, Bangkal ang boluntaryong gipang-demolish ang ilang mga istruktura sama sa sala, kusina ug banyo nga nakamuntar sa mga dikes.
Ang City Social Welfare and Development Office (CSWDO) nihimo og inisyal nga listing sa mga apektado alang sa ilang food assistance.
Nahimong hapsay ang gihimong self-demolition sa mga informal settlers sa maong lugar.
RadyoMaN Aimee Guinita
