Davao City – Natabang dayon sa mga personahe sa kabomberohan ang usa ka balay human gituyo kini pagsunog sa usa ka lalaki pasado alas 8:00 sa gabii sa Purok 8-B, Brgy.31-D, Quezon Boulevard syudad sa Davao.
Subay sa report sa Sta. Ana Police Station, giila ang suspek nga usa kad Butch Jordan, 25 anyos, traysikad drayber ug residente sa nasangpit nga Barangay.
Sa imbestigasyon sa kapulisan, matud ni alias “Anna” nga maoy nakakita, nangayo kaniya og kwarta ang lalaki aron ipalit og sigarilyo apan wa kini nahatagan, pipila ka minuto ang nakalabay nakurat nalang nga misilaob na ang lawak human kini gisindihan ni Jordan gamit ang posporo resulta sa pagkasunog.
Human sa insidente nangayo ra sab kini og tabang.
Mokabat sa P10, 000 ang danyos ug walay natalang casualty o nasamdan.
Kasong Arson ang ipasaka batok kang Jordan.
RadyoMaN Don Pulayao
