Denamita ya hace rebenta na Mampang

ZAMBOANGA CITY–Ya salva na muerte el un curandero y su familia despues el un explosion ya sosede afuera del diila residencia enantes madrogada. El explosion ya ocuri na costao del cohral na casa di Mubin Hanapi y Tubilla, 63 banda alas 2 del aga. Pero porcausa gende asegun amo el templada del explosiva nohay este lleva grande destroso na lugar y lo mismo nohay tambien quien ya queda victima. Maga pulis del Bomb Squad hunto con el maga pulis del Tetuan Police Station na liderato di Supt. Nonito Asdai ya recobri na lugar el un galon donde ya llena de colorato y otro materiales de explosiva. Na imbestigacion del pulis ta aparese del mas reciente si Hanapi ya cubra este P1,700 consu paciente quien ya manda cura conele. Pero asegun nohay queda bueno el paciente poreso este ya pidi otravez el su cen ya paga. Si Asdai ya habla ya promete si Hanapi para debolbe solamente el P1,000 donde ya gasta ya este con el P700 para compra maga materiales para na curada. El pulis ta mira ahora que posible amo el motibo del incidente. — Dan Toribio