Roxas City, Capiz- Padayon nga nagasaka ang numero sang kaso sang dengue sa probinsya sang Capiz.
Ini ang base sa pinakaulihi nga datos sang Department of Health (DOH)-Capiz.
Nahibaluan nga humalin sang Enero 1 tubtob Mayo 4, nakabalhag na sang kabilogan nga 864 ka kaso sang dengue sa probinsya kun sa diin anum na ka persona ang ginbawian sang kabuhi.
Ang mga ini ang naghalin sa banwa sang Pontevedra, Dao, Ivisan kag President Roxas.
Naglab-ot man sa 31 ang dengue cases nga naghalin sa kahilapit nga probinsya nga ginhatagan snag atensyon medikal sa mga ospital sa Capiz
Nagapabilin naman nga ang syudad sang Roxas amu ang may yara sang pinakadamo nga kaso nga naglab-ot sa 192 tanan ka bilog.
Suno sa Provincial Health Office, mas nagsaka sang 602 percent ang kaso sang dengue sa Capiz kun ikumparar sa 123 nga kaso sadtong 2018 halin sa bulan sang Enero tubtob Mayo.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
