DENGUE ALERT | Dengue cases sa probinsya, nagsaka sang kapin 429-percent sa una nga bulan sang 2019!

38

Roxas City, Capiz – Nagsaka sang kapin sa 429-percent ang numero sang nabalhag nga dengue cases sa kabilogan nga probinsya sang Capiz sa una nga lima ka semana sang 2019.
Base sa datos sang Provincial Health Office(PHO), nagdangat sa 254 ka mga dengue cases ang nalista kun ikumparar lamang sa 48 ka kaso sang Enero 2018.
Sa amu nga numero, 30-porsyento diri ukon 76 ang naghalin sa syudad sang Roxas.
Bangud sini, ginakabig sang City Health Office kag sang local health board sang Roxas City nga maka-alarma na ang nasambitan nga pagduging sang balatian nga dengue.
Sa press conference nga ginpatawag, ginpahayag sang hepe sang City Health Office nga si Dra. Lory Cahilog, nga ginatun-an sa subong kag gina-assess ang posibilidad nga ipa-idalom ang Roxas City sa dengue outbreak.

Facebook Comments

From Advertisers