Roxas City, Capiz – Yara sa 80-porsyento na nga preparado ang Team-Capiz sa patag sang boksing para sa nagahilapit nga WVRAA Meet 2019 nga maga-umpisa sa Pebrero 17 tubtob 23, 2019.
Suno pa sa trainor sang team nga si Mr. Arman Acta, ang Capiz ang may yara sang anum ka player sa napulo ka weight division. Ang mga ini ang ginpaidalom sa isa ka bulan nga maid-id nga ensyao.
Kon mahibaloan nga tatlo man ka tuig ang nakaligad sumugod sang nag-untat sa pagpadala sang delegado ang Capiz sa boxing.
Sa mga nabilin pa nga inadlaw nagalaom si Acta nga madugangan pa sang mga boxer ang ila speed, kondisyon kag kapasidad sa liwat nga pagbalik sang boxing team sang Capiz sa WVRAA Meet 2019.
Facebook Comments
