Roxas City, Capiz- Apat ka tuig nga bata nga lalaki ang gina-alegar napatay bangud sa balatian nga dengue sa barangay sang Banica sining siyudad.
Suno sa inisyal nga impormasyon, ini ang gin-confine sa isa ka pribado nga ospital bangud sa ginsuprer nga mga sintomas nga iya sang dengue apang dimalas nga ginbawian sang kabuhi.
Sang ginpakig-angutan si Provincial Health Office Spokesperson Mr. Ayr Altavas, ginkumpirmar sini nga nakabaton na sila sang amo nga report.
Suno diri, nga magapadulong sila sa poluy-an sang amo nga biktima agud nga magkuha sang mga samples kag magpatigayon sang dugang nga imbestigasyon.
Nahibaloan nga antes paman sini, nangin hugot na ang paandam kag alerto sang Department of Health kaupod ang Provincial Health Office sa publiko nga mag-andam batok sa kagat sang lamok nga nagadala sang dengue virus.
Ang subong nga bulan sang Hunyo amo ang ginakabig nga National Dengue Awareness Month sa bilog nga pungsod Pilipinas.
