DENGUE ALERT | Kaso sang dengue sa Western Visayas, nagsaka sang masobra 150% sa una nga quarter subong nga 2019

27

Roxas City, Capiz – Nagsaka sang 159- percent ang kaso sang Dengue sa Western Visayas sa una nga quarter sang 2019.
Suno kay Dr. Maria Lourdes Monegro, entomologist sang Department of Health (DOH) region 6, nagalab-ot na sa 5,527 ang numero sang nalatnan sang dengue umpisa Enero 1 tubtob Abril 6, 2019.
Mas mataas ini kun ikumparar sa 1,126 nga kaso sang dengue nga nalista sa kapareho nga panahon sadtong 2018.
Pinakamataas nga kaso sini ang naghalin sa Negros Occidental nga nagalab-ot sa 1,863; ginsundan sang probinsya sang Iloilo nga may yara sang 1,043 kag Aklan nga may 784 dengue cases.
Naglab-ot naman sa 713 ang dengue cases halin sa Capiz kag may nalista man halin sa Iloilo City, Bacolod, Antique kag Guimaras.

Facebook Comments