Roxas City, Capiz- Naglab-ot na sa 38 ka tawo ang ginbawian sang kabuhi bangud sa dengue sa Western Visayas.
Suno sa datos sang Department of Health(DOH-6), nalista sa kabug-osan nga 5,583 ang kasu sang dengue sa rehiyon humalin sang bulan sang Enero tubtob Hulyo 28, 2018.
Samtang nagapabilin sa gihapon nga pinakataas nga numero sang mga nabiktima ang naghalin sa Negros Occidental nga may yara sang 2,623 sa diin 22 ang ginbawian sang kabuhi.
Ginsundan sang Aklan nga may 741 ka kaso sa diin duha ang ginbawian sang kabuhi; probinsya sang Iloilo nga may 689 ka kaso sa diin duha ang ginbawian sang kabuhi; syudad sang Bacolod nga may 455 ka kaso sa diin tatlo ang napatay; probinsya sang Capiz nga may 382 ka nabiktima sang dengue sa diin duha man ang ginbawian sang kabuhi; probinsya sang Antique nga may 353 ka kaso kag tatlo ang napatay; syudad sang Iloilo nga may 211 ka kaso sa diin duha ang ginbawian sang kabuhi kag probinsya sang Guimaras nga may 59 ka kaso sa diin isa man ang ginbawian sang kabuhi.
