Gin-anunsyo ni Dr. Patricia Grace Trabado , ang head sang Iloilo Provincial Health Office ukon IPHO nga magahiwat sila sang clean-up kontra dengue sa Iloilo Provincial Capitol sa maabot nga Biyernes, Agosto 2.
Suno kay Trabado nga hiwaton ang clean up kontra dengue sa Biyernes sang hapon kon sa diin magapaninlo ang tanan nga empleyado sang kapitolyo agud matapna ang mga lamok nga nagadala sang dengue virus.
Nahibaluan nga ginapahayag nga madamo sang lamok sa sulod mismo sang kapitolyo kon sa diin isa ka katapo sang media nga masami nagatener sa media lounge sa kapitolyo ang nagbalatian sang dengue.
Luyag sang IPHO nga wala sang pumuluyo nga nagakadto sa kapitolyo ang maproteksyunan batuk sa mga lamok.
Base sa record sang IPHO huma,lin Enero 1 tubtub Hulyo 20, 2019 may yara na sang 8,987 ka kaso snagh dengue s aprobinsya kag 31 ang napatay.
Ginalauman nga magataas pa ini sa tion may bago nga data nga matipon ang IPHO gikan sa kabanwahanan.
