General Santos City—Sikop sa operatiba sa Kiamba Municipal Police Station ang usa ka Romeo Eleoterio, legal age, residenti sa Sitio Kitagas, Barangay Katubao, Kiamba, Sarangani Province kansa adunay kasong Murder atol sa gihimong manhunt Charlie didto mismo sa ilang panimalay alas 8:30 ang takna sa buntag.
Nasikop ang nasampit pinasikad sa warrant of arrest sa kasong murder nga adunay criminal case no. 5671-15 nga una nang gipagula ni Hon. Judge Oscar Noel.
Una nang nakadawat ug impormasyon ang kapulisan nga anaa lang sa ilang panimalay ang suspek mao nga ilang gipahigatyunan ug operasyon.
Sa karon ang suspek pabiling balhog sa silda sa Kiamba PNP ug gihuwat nalang ang commitment order gikan sa korte aron nga mabalhin na kini sa Sarangani Provincial Jail.
