*General Santos City— Gi-angkon sa City Health Office nga misaka gyud ang ihap sa kaso sa dengue sa dakbayan kung asa mi-abot na sa 720 gikan Enero hangtud na sa milabay’ng semana.*
*Sumala kang Dra. Cora Rodaje sa city health office nga misaka ug 41 porsyento ang ihap sa dengue sa dakbayan kung itandi sa 510 milabay’ng tuig sa samang bulan.*
*Apan kung basehan ang datus dili ingon kataas ang kaso sa dengue sa Gensan kung itandi sa bang parte sa rehiyon.saysay niya nga bisan asang dapita sa nasud, aduna gyu’y pagsaka sa ihap sa kaso sa dengue.*
*Dugang pamahayag ni Dra. Rodaje nga sa 26 ka mga Brgy. adunay lima nga hilabihang nakatala ug kaso sa dengue. Una niini ang Brgy. Calumpang nga gisundan sa Brgy. Labgangal, Fatima, San Isidro ug Brgy. Apopong.*
*Busa sa karon, padayon gihapon ang ilahang pag-awhag sa publiko nga ipabiling hinlo ang palibot ug i-pratktis ang 4s nga ginahimo sa department of health.*
