*General Santos City– Arestado sa gipahigayong buybust operation sa hiniusang pwersa sa PDEA 12 ug Pikit Municipal Police Station ang duha katao sa Sitio Manding, Brgy. Gli-Gli, Pikit alas 10 pasado ang takna sa buntag.*
*Giila ni Kath Abad, ang tigpamaba sa PDEA 12 ang target nga si Fahad Edwin Manukil, 23 anyos nga residente sa samang lugar kung asa newly identified matud pa kining lambigit sa illegal nga droga.*
*Nakuha gikan sa iyahang posisyon ang usa ka sachet sa gituuhang shabu nga anaa sa 50 gramos nga may street value nga 340, 000 ka pesos. Dugang pamahayag ni Abad nga anaa sa wathclist sa pikit munisipal police station ang target nga si manukil ug dugay-gdugay na kining gina-montor.*
*Lakip sa mga nadakpan mao ang ugagan sa suspek nga nailanbg si Romelyn Queñonez human niining gisuwayan nga pugngan ang operatiba nga arestuhon ang target.*
*Napasakaan na ug kasong pagsupak sa pd 1829 kon obstruction of apprehension of criminal ang gipasang-at batok kaniya.*
*Kalabot niini, gibutyag ni Abad nga newly identified ang suspek apan gumikan sa dinagko niining transaksyon sa droga, nalakip kini sa watchlist sa kapulisan ug gikonsiderang high value target.*
*Sa kasamtangan, ang mga dinakpan ang balhog na sa lock up cell sa pikit municipal police station ug napasakaan na ug tukmang kaso.*
