Davao City – Nagtoo si Davao City Council majority floor leader Bernard Al-ag nga dunay makonbikto niining eskandalo sa Dengvaxia tungod sa kadako sa kantidad sa salapi nga nalambigit.
Sumala ni Al-ag, dali ra kaayo nga migawas ang tulo ka bilyon ka pesos aron gamiton sa pagpalit niining walay klarong bakuna sa dengue.
Giklaro usab sa majority floor leader nga gawas sa dakong kantidad sa salapi nga nalambigit, ang mas dakong epekto niini mao ang pagkabutang sa kadelikado sa kinabuhi sa kabataan nga nabakunahan niini.
Nagtoo si Al-ag nga adunay laing tumong niini tungod sa kadali sa kwarta nga migawas nga wala mag-agi sa ensaktong proseso.
Giingon pa ni Al-ag nga gipaspasan ang pagrelease sa P3.5B pesos nga salapi tungod kay wala masukip sa national budget sa wala pa masayring hinungdan, tungod niini matud niya kinahanglan’g imbestigasyon aron mogawas ang kamatuoran kung unsay tumong niini.
RadyoMaN Bernard Pantallon
