Roxas City, Capiz – Nabutang subong sa alang-alang ang kandidatura sang pila ka mga kandidato nga nagfile sang ila mga ceretificate of candidacy(COC) sa idalom sang Gacia wing sang Partido Demokratiko Pilipino(PDP-Laban).
Ini matapos nga nagpaguha sang resolusyon ang law department sang COMELEC nga nagakabig sa mga ini nga sila ang independent candidate kabangdanan nga gin-deny ang substitions sang mga ini.
Bangud sini, DENIED ang CONA ni former Governor Victor Tanco Sr. nga nagapapili sa pagka-bise gobernador; Romualdo Gadong Exmundo Jr. nga nagapadalagan sa pagka-board member sa 2nd district kag Mr Wildie Delfin Duronio sang banwa sang Maayon nga nagapadalagan sa pagka-bise alkalde.
Ang nasambitan nga desisyon sang Comelec Law Department ang pirmado ni Atty. Maria Norina S. Tangaro Casingal napetsahan sang Disyembre 28, 2018.
Ginahulat pa ang pormal nga pahayag sang kampo sang natungdan nga mga kandidato kun anu ang masunod nila nga legal nga tikang kasunod sang ginpaguha nga disesyon sang Comelec Law Department.
