Gisampolan na sa Department of Environment and Natural Resources-7 ang pagtangtang sa mga campaign materials ug uban pang poster sa mga produkto nga gilansang og gipapilit sa mga punoan sa kahoy sa Metro Cebu .
Ang DENR-7 nakig-alayon sa mga lokal nga environment officers , sa mga taga Department of Interior and Local Government , Department of Public Works and Highways, Commission on Elections ug ubang local government units alang sa unang adlaw sa “Operation Baklas.”
Ang DENR -7 una nang nipasidaan sa mga kandidato ug ilang supporters nga di molansang, mopapilit ug mohigot sa ilang campaign materials sa mga punoan tungod kay makadaut kini sa mga kahoy.
Gawas nga kalapasan kini sa environmental laws , ang Comelec nagdili usab sa pagpataka ug butang sa mga campaign materials ilabi na sa pangpubliko nga mga lugar gawas lang sa giila nga poster area.
