Davao City – Gi-angkon sa Department of Environment and Natural Resources (DENR) nga dili igo ang ilang resources ug kulang ang ilang budget labi sa pagresponde sa mga insidente sa forest fires.
Sa pakighinabi sa DXDC RMN Davao kang Nestor Pilotos, Office in charge sa DENR-Lupon, Davao Oriental gibutyag niini nga daghan og mga plano ang departamento labot sa ‘forest protection’ apan kulang gihapon ang budget rason nga ila na lamang ginapangitaan og pamaagi.
“Daghan mi’g mga trainings ug mga plano labot sa fire protection plan. Ang makahina lang kay kulang gyud ang budget sa gobyerno maong naga take initiative na lang mi aron ma mobilize ang atong katawhan unsaon pag prevent.”
Saysay ni Pilotos nga aduna man silay mga napalit nga mga gamit sama sa fire fighting pulse apan dili gihapon kini igo. Kulang usab ang budget sa gigahin sa pagpakaon sa mga volunteers sa komunidad nga mutabang sa pagpakgang sa sunog. Kini ang unsa sa ilang buot mapaabot sa gobyerno.
“Naa may napalit nga gamit pero gamay ra. Ang pinakalisod kanang magpakaon ka’g community. Kintahay mag mobilize ka’g community, mutabang sa sunog. Wala may budget ipakaon. Kung naa may budget, pirti rang gamaya.” segun niini
Una nang gibutyag sa opisyal sa DXDC RMN Davao nga ilang gipakusgan ang kampanya sa sunog sa kabukiran labi na sa tungod sa kainit sa panahon nga nasinatian karong panahona.
RadyoMaN Kirby Manzon
