Dep. Ed. 12 ginapreparahan na ang drug testing sa mga manunudlo, non-teaching personnel kag mga estudyante.

Ginapreparahan na sa subong sang pamunuan sang Department of Education ukon Dep. Ed. Region 12 ang patigayunon nga drug testing sa mga manunudlo, non-teaching personnel sang talatapan kag mga estudyante sa high school sang mga pampubliko nga eskwelahan dire sa rehiyon.
Suno kay Dep. Ed. Assistant Regional Director 12 Evelyn Fetalvero ini ang base sa ginpapanaug nga Dep. Ed. Order #37 ukon Drug Free Workplace Policy kag #40 ukon Guidelines for the conduct of Random Drug Testing in Public and Private Secondary School.
May-angot sini suno kay Ard Fetalvero napaidalom na sa training ang mga health personnel sini sa bug-os nga rehiyon kag ang mga division subong man mga eskwelahan ang may-yara man sang ginbuo nga komite nga magabulig sa implementasyon sa drug testing kag hatag sang intervention sa mga magpositibo.
Ipatigayon ang nasambit nga drug testing sa mga manunudlo, non-teaching personnel kag mga estudyante subong nga school year 2017-2018.
Samtang kabahin man sang preparasyon sa random drug testing sa mga estudyante suno kay Ard Fetalvero kinahanglan pa nga i-orient ang mga ginikanan angot sa implementasyon sang drug testing.
Wala naman suno pa sang dapat nga kabalak-an ang mga ginikanan tungod mangin confidential ang resulta kag para man sa kaayuhan sang mga kabataan ang katuyuan sang programa.