Magaagi pa sa validation nila suno kay Department of Education ukon Dep. Ed. 12 Regional Director Dr. Allan Farnazo ang aplikasyon sang eskwelahan nga magpartisipar sa patigayunon nga face to face dry run sa Enero sa masunod nga tuig bag-o magrekomendar sa Dep. Ed. Central Office.
Suno kay RD Farnazo indi basta makapartisipar ang mga ini tungod kinahanglan gid ang desisyon sang barangay opisyal subong man mga ginikanan kag indi lang ang pamunuan sang eskwelahan sa nasambit nga tikang kon kaya ang pagpatigayon sang face to face sa tunga sang COVID-19 pandemic.
Ang nasambit suno pa nga mga requirements ang mangin basehan sang Dep. Ed. 12 sa pagrekomendar sang face to face learning.
Ginhatagan pa punto ni Dr. Farnazo nga ang ini nga tikang ang shared responsibilities agud nga malikawan ang pagbinasulay kag pinakasakaay sang kaso sa ulihi.
