Magapatigayon umpisa subong nga adlaw tubtob sa Biyernes nga adlaw, Hulyo 31 sang regionwide dry run ang Department of Education ukon Dep. Ed. 12 sang tanan nga mga learning modalities nga alternatibo nga pamaagi sang pagtudlo sa pagbukas sang klase sa tunga sang pandemya kapareho sang modular, online, blended learning kag iban pa.
Suno kay Dep. Ed. 12 Regional Director Dr. Allan Farnazo katuyuan sini nga lantawon kon ano pa ang mga problema kag may kinahanglan pa bala nga i-improve.
May-angot sini, magagamit sila sang online broadcast paagi sa Dep. Ed. Dose sa Ere agud nga magatutok sa ipatigayon nga dry run.
Ginpahayag man sang regional director nga ang napili nila nga mga eskwelahan ang sa mga malagyo nga lugar kag may-yara man sa mga urban central agud nga makit-an ang mga deperensya bag-o pa man ang pagbukas sang klase sa Agusto 24 sa tunga sang COVID-19 pandemic.
