Dep. Ed. 12 napaggwa na ang kamanduan nga pagsuspindir sang mga aktibidad tungod sa COVID-19, RD Farnazo pabor nga isuspindir ang graduation.

Napaggwa na sang iya pamunuan suno kay Department of Education ukon Dep. Ed. 12 Regional Director Dr. Allan Farnazo ang kamanduan sang taglikom sang ahensya angot sa pagsuspindir sang tanan nga regional, division, district kag mga off-campus activities kadungan sang deklarasyon sang national public health emergency tungod may-yara na sang local transmission sang coronavirus disease 2019 ukon COVID -19 sa pungsod.
Sa nasambit nga kamanduan apektado man ang pagpaidalom sa training sang mga ahletes sang rehiyon matapos nga lakip man sa isuspindir nga national activity sang Dep. Ed. ang Palarong Pambansa.
Samtang suno kay RD Farnazo yara na sa mga local government unit ang pagdeklarar sang suspension sang klase kag bilang precautionary measures hugot nga ginapatuman ang handwashing sa mga estudyante.
Ginpahayag man ni Dr. Farnazo nga kuntani matapos lang ang eksaminasyon sa mga public schools dire sa rehiyon kon indi man mapunggan ang paglapta sang nasambit nga balatian.
Pabor man suno pa siya sa mga rekomendasyon nga isuspindir ang graduation kag ang timprano pa nga summer break sang mga estudyante.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>