Nagpaggwa sang kamanduan si Department of Education Regional Director Dr. Allan Farnazo sa tanan nga mga public kag private schools sa rehiyon nga magpatigayon sang earthquake kag fire drill kada Biyernes nga adlaw matapos ang nagluntad nga magnitude 6.6 nga linog kahapon nga adlaw.
Ginmando niya man ang pagpatigayon sang inventory sa danyos sa mga school building sa rehiyon tuga sang linog nga base sa inisyal nga report ang mas apektado ang eskwelahan sa Tulunan kag M`lang, North Cotabato nga nagcollapse kag pipila ang nakitaan sang cracks.
May-angot sini, tubtob nga indi madeklarar nga safe ang mga classrooms indi gid pag-occupy suno kay Dr. Farnazo.
Ginkumpirmar man sang regional director nga ginsuspindir niya kahapon nga adlaw ang regional integrated competition nga ginpatigayon sa M`lang, North Cotabato nga matapos pa kuntani subong nga adlaw, apang magaresume kon mag-istable na suno pa ang sitwasyon.
Samtang sa tion suno pa nga magresume ang klase subong nga adlaw base sa desisyon sang mga local chief executive ipaidalom sa stress debriefing ang mga estudyante tungod sa posible trauma tuga sang magnitude 6.6 nga linog.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
