General Santos City–Mapasalamaton si Deped 12 Regional Director Dr. Allan Farnazo nga nahimong Generally Peaceful ang gipahigayong SRAA meet 2020 sa Gensan kung asa nahimong over all champion ang General Santos City nga gisundan sa South Cotabato; Koronadal ug Kidapawan city.
Atol sa closing ceremony nga gipahigayon sa Lagao Gym niadtong Byernes, gipasalamatan ni Farnazo ang tanan nga mitabang sa maong events gumikan kay kung walay pagtinabangay dili magmalampuson ang SRAA Meet 2020.
Gipasalamatan usab sa opisyal si Mayor Ronnel Rivera sa gihatag niining suporta ngadto kanila isip mahimong host ang Gensan sa maong events ingon man ang PNP, JTF Gensan, mga Barangay Officials , BPATS, Philippine Red Cross ug ang Royeca Hospital.
Gipasalamatan man usab ni Regional Director Farnazo ang hugpong sa media tungod sumala pa niini nga dili mahimong exciting ang regional meet kung dili maka-abot ang balita sa matag panimalay kung unsa na ang resulta sa duwa.
Saysay pa niini nga wala gayud nasayang ang pagpaningkamot sa mga atleta sa Gensan rason nga sa kinatibuk-ang resulta sa duwa gideklarang over all champion ang Gensan sa SRAA Meet 2020.Hinungdan nga gipasidunggan ni Farnazo ang Generals sa kadaugan nga ilang naangkon.
Nagpasalamat man usab si Director Allan Farnazo sa mga nagdumala sa Dr. Jorge Royeca Hospital gumikan sa gihimo niining SRAA Lane kung asa gilayong mahatagan ug pagtagad panahon kung dunay madalang mga atleta nga naka-angkon ug injury sa maong events.
Aminado ang opisyal nga dunay mga estudyante nga naka-angkon ug injury apan mga minor lamang ug gipasalamatan niini ang mahal nga makagagahum tungod kay walay seryosong injury nga nahitabo sa mga magdudula.
Dako man usab ang pagpasalamat ni Farnazo sa mga ginikanan nga padayong naga suporta sa mga programa sa sports sa Deped pinaagi sa pagpa-apil niini sa ilang mga anak.(Reynald Timario)
